Drop Down Menu
FOR VISITORS
Tourism
Work in Zanzibar
Investment
Business
Study in Zanzibar
Immigration

FOR CITIZEN
Travel Documents
Zanzibar ID
National ID
Social Security
Driving Licence
Health System
E-Government
Zanzibar Port
Municipality

Quick Links
Ikulu Zanzibar
Tanzania
Baraza la Wawakilishi
Bunge Tanzania
Zanzibar Electoral Commission
National Electoral Commission

Zanzibar
Zanzibar
Government News Highlights
Dk. Shein Afungua Hoteli ya Nyota Tano Zenj leo
RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein amefungua Hoteli ya Park Hayatt yenye hadhi na Nyota Tano na kusema kuwa Serikali itaendelea kulinda hali ya amani na utulivu, jambo ambalo limeipatia sifa kubwa Zanzibar na kuendelea kuwavutia wageni kutoka pande zote za dunia. Dk. Shein aliyasema hayo leo huko katika ukumbi wa Hoteli mpya ya Nyota Tano ya Park Hayatt, huko Mambo Msiige katika eneo la Mji Mkongwe wa Zanzibar. Katika hotuba yake aliyoitoa katika ufunguzi wa Hoteli hiyo, Dk. Shein alisema kuwa Serikali itaendelea kuwalinda watalii, wawekezaji pamoja na mali na rasilimali zao zilizopo nchini. Aidha, Dk. Shein alisema kuwa Serikali itaendelea na jitihada zake za kuimarisha miundombinu ya viwanja vya ndege ambapo hivi karibuni ujenzi wa Jengo la Abiria katika kiwanja cha Ndege cha Kimataifa cha Abeid Amani Karume Zanzibar unatarajiwa utakamilika huku ikiwa tayari sehemu ya bandari kwa ajili ya abiria umekamilika kwa mashirikiano na Mfanyabiashara maarufu Bwana Said Bakhresa. Dk. Shein aliongeza kuwa dhamira ya Serikali ya Mapinduzi Zanzibar ni kujenga bandari kubwa ya kisasa katika eneo la Mpiga Duri Mjini Zanzibar ambapo hatua za awali za michoro imeshakamilika na hatua inayofuata hivi sasa ni kutafuta fedha kwa ajili ya ujenzi wa bandari hiyo. Sambamba na hayo, Dk. Shein alitoa shukurani na pongezi kwa uongozi wa Kampuni y a ASB Holdings, hasa Sheikh Saeed Juma Al-Bawardy kwa kuchagua kuijenga hoteli hiyo hapa Zanzibar. Dk. Shein aliuhakikishia uongozi wa Kampuni hiyo kuwa uamuzi wao wa kuichagua Zanzibar ni sahihi na unakwenda sambamba na mipango ya Serikali ya kuimarisha utaluii na uchumi wa Zanzibar. Dk. Shein pia, alitumia fursa hiyo kuipongeza Kampuni ya Ujenzi ya ‘China Railways Jianchang Engineering Co Ltd’ (CRJE) kutoka Jamhuri ya Watu wa China kwa ustadi wao wa kujenga jengo jipya la hoteli hiyo linalokidhi viwango vya Mji Mkongwe wa Kimataifa. Katika hatua za kuimatrisha sekta ya utalii hapa nchini, Dk. Shein alieleza kuwa Serikali ilitunga Sheria Nam. 9 ya kuimarisha utalii mwaka 1996 ambayo iliipa nguvu Kamiosheni ya Utalii iliyoanzishwa mwaka 1996 kwa lengo la kuisimamia sekta ya uatlii ambapo idadi ya watalii ilizidi kuongezeka hapo mwaka 2007 jumla ya watalii 143,282 walitembelea Zanzibar. Dk. Shein alieleza juhudi nyengine zilizochukuliwa na Serikal;i katika kuimarisha sekta ya Utalii ikiwa ni pamoja na kutangaza rasmi dhana ya Utalii kwa Wote hapo tarehe 16 Oktoba, 2011 ambapo lengo kuu ni kuhakikisha kila mwananchi ananufaika na matunda ya utalii na anashiriki katika kuuendeleza. Aliipongeza Mamlaka ya Uwekezaji Vitega Uchumi Zanzibar (ZIPA) kwa bidii inayochukua katika kuzifanikisha shughuli za uwekezaji katika miradi mikubwa kama hiyo. Sambamba na hayo Dk. Shein hakuchelea kuelezea changamoto kadhaa na mitihani mbali mbali iliyojitokeza katikamchakato wa awali katika ujenzi wa hoteli hiyo na kueleza jinsi alivyosimama kidete katika kuhakikisha ujenzi wa Hoteli hiyo unafanikiwa kwa mujibu wa sheria na taratibu za nchi sambamba na kuheshimu maamuzi ya Serikali huku akitoa pongezi kwa Rais mstaafu wa Awamu ya Sita Mhe. Dk. Amani Abeid Karume ambapo mchakato wa ujenzi wa Hoteli hiyo ulianza katika awamu yake. Pia, Dk. Shein aliihimiza Wizara ya Ardhi, Maji na Nishati kuendelea kusimamia kwa karibu shughuli zote za ujenzi, ukarabati na usanifu wa Mji Mkongwe kwa lengo la kuhakikisha kuwa majengo yanayojengwa yanakidhi viwango na hadi ya kuwa ni sehemu ya Mji Mkongwe kwa mujibu wa masharti yaliyowekwa na Serikali na vigezo vya UNESCO. Dk. Shein pia, alitumia fursa hiyo kuliagiza Baraza la Maji la Zanzibar kuongeza kasi ya usafi katika wakati huu ambapo limepata vifaa mbali mbali vya kisasa kwa ajili ya kuendeshea shughjuli zao. Aidha, Dk. Shein aliihimiza Wizara ya Habari, Utamaduni,Utalii na Michezo kuendelea kushirikiana na Wawekezaji walioekeza hapa nchini katika kuvitangaza vivutio viliopo vya utalii vipya na vya zamani pamoja na huduma bora zinazopatikana katika hoteli za Zanzibar. Dk. Shein pia, alieleza mipango inayokamilishwa na Serikali ya Mapinduzi Zanzibar ya kufungua Ofisi ya Uwakala wa Utalii mjini Mumbai- India kwa lengo la kuitangaza Zanzibar hasa Mashariki ya Kati na Mashariki ya Mbali ikiwemo China na India. Nae Waziri wa Dk. Mwinyihaji Makame, Waziri wa Nchi Afisi ya Rais, Ikulu na Utawala Bora ambaye pia ni Kaimu Waziri wa Fedha alieleza kuwa takwimu zinaonesha kuwa sekta ndogo ya Hoteli na mikahawa imeweza kuvutia uwekezaji mkubwa kutoka nje kuliko sekta nyengine hapa nchini. Alisema kuwa hatua hiyo inatokana na juhudi za pamoja baina ya Sekta binafsi na Serikali katika kuimarisha mazingira bora ya uwekezaji hapa nchini huku akieleza azma ya Serikali kulenga katika kushajiisha uwekezaji wa Daraja la juu, ambapo hoteli hiyo ya Park Hyatt ni aina ya uwekezaji unaohitajika hivi sasa hapa nchini. Mapema Kaimu Mkurugenzi wa Mamlaka ya Uwekezaji Vitega Uchumi Zanzibar (ZIPA), Bwana Vuai Lada alisema kuwa Mradi wa Zamani Palace chini ya Kampuni ya SB Holdings Ltd unamilikiwa na Bwana Ali Saeed Juma Albawardy ambaye ni raia wa Falme za Kiarabu (UAE), ulithibitishwa na ZIPA mwezi Oktoba mwaka 2010 ukiwa na mtaji wa makisio wa Dola za Kimarekani milioni 30. Lada alisema kuwa Mradi huo ambao utafanya biashara zake kwa jina la Park Hyatt Zanzibar, mpaka sasa umeshahawekeza zaidi ya Dola za Kimarekani milioni 25 na unatarajiwa kufikia zaidi ya Dola milioni 30 mpaka kumalizika kwake. Alisema kuwa hoteli hiyo ina jumla ya vumba 67, viwili ni ‘ Presidencial suites’, vitatu ni ‘executive suites’ na sita ‘Junior suites na 57 ni vya kawaida. Aidha alieleza kuwa hoteli hiyo hadi sasa imeshaajiri wafanyakazi 150 na nafasi 10 zinashikiliwa na wageni na 140 zinashikiliwa na wenyeji. Kaimu huyo Mkurugenzi alisema kuwa hoteli hiyo itainua daraja la utalii hapa Zanzibar kwa kuwa na watalii wa daraja la juu pamoja na kupanua soko la utalii kwa nchi za Ghuba na Mashariki ya Mbali sambamba na kushawishi sekta nyengine kama vile kilimo, uvuvi na biashara ndogondogo. Nao Wawakilishi wa Mwekezaji wa Hoteli hiyo Bwana Pablo Graf na Bwana Philip D’Abo walitoa pongezi kwa wananchi wa Zanzibar na viongozi wa Serikali wa Serikali ya Mapinduzi Zanzibar kwa ukarimu wao mkubwa na kueleza kwa nyakati tofauti kuwa ujenzi wa hoteli hiyo utasaidia kwa kiasi kikubwa kukuza soko la ajira hapa nchini sambamba na kuinua utalii wa Zanzibar huku wakieleza mafanikio na maendeleo ya miradi kama hiyo kwenye nchi za Ulaya, Marekani na Falme za Kiarabu ambapo wameekeza. Viongozi mbali mbali pamoja na wageni waalikwa walihudhuria katika ufunguzi huo akiwemo Rais Mstaafu wa Awamu ya Sita Mhe. Dk. Amani Abeid Karume, Makamu wa Pili wa Rais Balozi Seif Ali Idd, Mama Shadya Karume, Mmiliki wa Hoteli ya Park Hyatt Zanzibar ambaye pia ni Mwenyekiti wa Kampuni ya ASB Bwana Saeed Juma Albawardy, Mawaziri pamoja na viongozi mbali mbali. Huku hafla hiyo ikipambwa na tenzi pamoja na taarab asilia.
Official Reports
A Bill for an Act to repeal the Zanzibar Electoral Commission Act, No. 9 of 1992-Date Posted: 17-02-2017
Mswada wa Sheria ya kufuta Sheria ya Tume ya Uchaguzi Nam, 9 ya 1992-Date Posted: 17-02-2017
HOTUBA YA MAONI YA KAMATI YA KUSIMAMIA OFISI ZA VIONGOZI WAKUU WA KITAIFA KUHUSIANA NA MSWADA WA SHERIA YA KUFUTA SHERIA YA TUME YA UCHAGUZI NAM.9 YA 1992 NA KUTUNGA SHERIA YA KUANZISHA AFISI YA TUME YA UCHAGUZI YA ZANZIBAR-Date Posted: 17-02-2017
HOTUBA YA RAIS WA ZANZIBAR NA MWENYEKITI WA BARAZA LA MAPINDUZI, MHE. AL HAJJ DK. ALI MOHAMED SHEIN, KATIKA BARAZA LA IDD EL FITRI JULAI, 2016 (1 SHAWWAL, 1437)-Date Posted: 07-07-2016
Hotuba ya Bajeti ya Serikali ya Mapinduzi ya Zanzibar kwa mwaka wa Fedha 2016/2017. -Date Posted: 20-05-2016

Research

Procedure
Research in Zanzibar
Publications
Conferences
PROJECTS

Ongoing Projects
Upcomming Projects
Previous Projects
Reports in Projects
Publication from Projects
GALLERY

Government Activies
Kilimo