Drop Down Menu
FOR VISITORS
Tourism
Work in Zanzibar
Investment
Business
Study in Zanzibar
Immigration

FOR CITIZEN
Travel Documents
Zanzibar ID
National ID
Social Security
Driving Licence
Health System
E-Government
Zanzibar Port
Municipality

Quick Links
Ikulu Zanzibar
Tanzania
Baraza la Wawakilishi
Bunge Tanzania
Zanzibar Electoral Commission
National Electoral Commission

Zanzibar
Zanzibar
Government News Highlights
Balozi Seif Ali Iddi azindua rasmi mradi wa Maji safi na salama wa Wananchi wa Shehia ya Jongwe, Pemba
Makamu wa Pili wa Rais wa Zanzibar Balozi Seif Ali Iddi amewapongeza Wananchi wa Shehia ya Jongwe kwa uamuzi wao wa kujitafutia mbinu za kupambana na changamoto zinazowakabili katika Shehia yao hasa lile la huduma za maji safi na salama. Alisema uamuzi wao huo ndio uliopelekea washirika wa maendeleo,Viongozi pamoja na wahisani kuamua kuwaunga mkono katika kukabiliana na tatizo la huduma za maji safi na salama baada ya kuona juhudi walizozionyesha. Balozi Seif Ali Iddi alitoa pongezi hizo wakati akiuzindua rasmi mradi wa Maji safi na salama wa Wananchi wa Shehia ya Jongwe iliyomo ndani ya Jimbo la Kiwani Wilaya ya Mkoni Mkoa wa Kusini Pemba. Alisema Serikali inaelewa changamoto mbali mbali zinazowakabili Wananchi katika maeneo yao tofauti Nchini na ndio maana ikatoa kipaumbele katika kuwasaidia nguvu za uwezeshaji na hata taaluma katika kupambana nazo. Balozi Seif aliwashauri Wananchi wa Shehia ya Jongwe kuhakikisha kwamba jukumu la kulinda mazingira yanayolizunguuka eneo la Kisima cha maji liko mikononi mwao. Alisema ipo tabia kwa wananchi walio wengi kuona tatizo na kuliachia bila ya kuchukuwa hatua yo yote na matokeo yake kulalamikia changamoto za tatizo hilo linalochukuwa muda mrefu kulipatia ufumbuzi. Akigusia suala la amani ya Nchi Makamu wa Pili wa Rais wa Zanzibar aliwaomba Wananchi hao wakiendelea kujiandaa na maandalizi ya uchaguzi Mkuu wa Mwezi wa Oktoba mwaka huu waelewe kwamba suala la utulivu wa amani wanalisimamia kwa nguvu zao zote. Alitahadharisha kwamba Serikali itaendelea kulinda amani iliyopo na kamwe haitamvumilia mtu au kikundi chochote kitakachojaribu kuvuruga hazina na lulu hiyo inayoringiwa naTanzania katika nyanja ya Kimataifa. Balozi Seif alifahamisha kwamba hakuna Mtu mwenye akili timamu akajaribu kuwa na mawazo au kauli za kuitakia mabaya nchi yake ilhali na yeye anaendelea kuishi ndani ya nchi hiyo. Katika kuunga mkono juhudi za Wananchi hao wa Shehia ya Jongwe Makamu wa Pili wa Rais wa Zanzibar alichangia shilingi Milioni 1,000,000/- na kuahidi i kukamilisha nyengine iliyobaki ili kulipa Deni la vifaa walivyokopa Wananchi hao katika kukamilisha mradi huo wa maji safi na salama. Akisoma Risala Mjumbe wa Kamati ya Maendeleo ya Shehia ya Jongwe Ndugu Mussa Juma alisema mradi wa maji safi na salama ulibuniwa mnamo Tarehe19 Machi mwaka 2014 kufuatia usumbufu mkubwa uliokuwa ukiwapata Wananchi hao wa kupata maji safi na salama. Ndugu Mussa alisema Wananchi hao walikuwa wakitumia maji yasiyo safi na kupelekea kukumbwa na maradhi ya miripuko yaliyosabisha madhara kwa wananchi walio wengi wa Kijiji hicho. Alisema juhudi za pamoja za Wananchi kupitia Kamati yao ya Maendeleo ndio iliyofanikisha mradi huo ulioungwa mkono na Viongozi mbali mbali,wahisani, mfuko wa Jimbo, Mamlaka ya Maji Zanzibar { ZAWA }pamoja na shirika la Umeme Zanzibar {ZECO }. Naye Afisa Mdhamini Wizara ya Ardhi, Makazi, Maji na Nishati Pemba Ndugu Hemed Salum alisema mradi mkubwa wa maji safi na salama katika ukanda huo ulibuniwa na kuanza rasmi mwaka 2006 baada ya mripuko wa maradhi ya matumbo katika Jimbo la Kiwani. Nd. Hemed alisema hatua za uchimbaji kisima zilianza mwaka 2007 kwa ufadhili ya Jumuiya ya Misaada ya Maendeleo ya Al – Yousuf Charitable Society ya Nchini Saudi Arabia na kufaidisha takriban Vijiji vya Mwambe na Shamiani. Afisa mdhamini huyo wa Wizara ya Ardhi, makazi, Maji na Nishati aliwahakikishia Wananchi hao wa Jongwe kwamba Mamlaka ya Maji Zanzibar { ZAWA } itaandaa utaratibu maalum wa kukifanyia utafiti Kisima hicho ili kuelewa mienendo ya maji yake kwa vile kiko karibu na Bahari. Akijibu changamoto inayowakabili Wananchi hao ya kufungwa kwa Mashine ya Tukuza kwenye kisima hicho Nd. Hemed aliwaahidi Wananchi hao kwamba jukumu hilo litabebwa na Wizara hiyo ili kuwaondoshea usumbufu Wananchi hao wa kukatika katika kwa huduma za Umeme kwenye kisima hicho. Kisima hicho cha maji safi na salama kilichopo Jongwe Mwambe chenye uwezo wa kuzalisha Lita Tani Elfu 10,000 kwa saa moja kikiwa na mifereji 89 iliyosambazwa kuhudumia wananchi wa Vijiji vitatu vya Jongwe, Mwambe na Shamiani kimegharimu zaidi ya shilingi Milioni 44,755,000/-. Wakati huo huo Makamu wa Pili wa Rais wa Zanzibar Balozi Seif Ali Iddi alizitembelea Madrasat Jahidu Fiiy - sabilillah na Madrasat Nur Minal Quran za Kijiji cha Mwambe Wilaya ya Mkoani. Akizungumza na Walimu, Wazazi pamoja na Wanafunzi wa Madrasa hizo baada ya kuona changamoto zinazowakabili Balozi Seif alisema uamuzi wa wazee hao kuwatengenezea mazingira mazuri ya kupata elimu watoto wao ni jambo zuri na la msingi. Aliwatahadharisha walimu wa madrasa hizo kujiepusha na tabia ya baadhi ya walimu nchini wenye hulka ya kuwapotosha wanafunzi na kusahau wajibu wao wa kuwapatia watoto elimu ya dini kama ilivyoagizwa katika vitabu vya Muumba wa ulimwengu. Katika kuunga mkono jitihada za walimu na wazazi wa Kijiji hicho Balozi Seif alichangia shilingi Milioni 1,000,000/- kwa madrasat ahidu Fiiy - sabililah na kuahidi kusaidia shilingi Milioni 5,000,000/- kwa kila madrasa zote mbili katika kipindi kifupi kijacho. Hatua ya Balozi Seif pia ilimuhamasisha Mbunge wa Viti Maalum CCM Mkoa Kusini Pemba Mh. Faida Moh’d Bakari ambaye naye aliahidi kuchangia shilingi 2,000,000/- kwa madrasat Jahidu Fiiy - sabilillah na shilingi Milioni 5,000,000/- kwa Madrasat Nur Minal Quran. Mapema asubuhi Makamu wa Pili wa Rais wa Zanzibar Balozi Seif Ali Iddi alipata fursa ya kukagua maendeleo ya ujenzi wa Skuli ya Sekondari ya Wilaya ya Mkoani iliyopo katika Kijiji cha Mkanyageni. Ujenzi wa Skuli hiyo unaenda sambamba na ule wa Skuli ya Sekondari ya Wilaya ya Kusini Unguja iliyopo Kibuteni aliyoitembelea hivi karibuni ambazo zote zinafadhiliwa na Benki ya Maendeleo ya Kiislamu { BADEA }. Mhandisi Mkuu wa Ujenzi wa Skuli hiyo kutoka Kamuni ya Ujenzi ya Runs Bwana Mohammed Hamad alimueleza Balozi Seif kwamba Kampuni yake inatarajia kukabidhi Skuli hiyo mwishoni mwa Mwezi Disemba mwaka huu ili iwahi kuanza kuchukuwa wanafunzi mapema mwezi Januari mwaka 2016. Bwana Mohammed alisema wafanyakazi wa kampuni hiyo hivi sasa wanaendelea na hatua za mwisho za ujenzi wa nyumba za walimu, mabweni ya wanafunzi, kupaka rangi madarasa pamoja na kukamilisha sehemu za michezo mbali mbali ndani ya eneo la skuli hiyo. Makamu wa Pili wa Rais wa Zanzibar alionyesha kuridhika kwake na ujenzi huo unaokwenda kwa kasi zaidi kuliko ule ya majengo ya Skuli ya Sekondari ya Kibuteni licha ya kuanza mwanzo kwa zaidi ya miezi mitatu nyuma ya Skuli ya Mkanyageni.
Official Reports
A Bill for an Act to repeal the Zanzibar Electoral Commission Act, No. 9 of 1992-Date Posted: 17-02-2017
Mswada wa Sheria ya kufuta Sheria ya Tume ya Uchaguzi Nam, 9 ya 1992-Date Posted: 17-02-2017
HOTUBA YA MAONI YA KAMATI YA KUSIMAMIA OFISI ZA VIONGOZI WAKUU WA KITAIFA KUHUSIANA NA MSWADA WA SHERIA YA KUFUTA SHERIA YA TUME YA UCHAGUZI NAM.9 YA 1992 NA KUTUNGA SHERIA YA KUANZISHA AFISI YA TUME YA UCHAGUZI YA ZANZIBAR-Date Posted: 17-02-2017
HOTUBA YA RAIS WA ZANZIBAR NA MWENYEKITI WA BARAZA LA MAPINDUZI, MHE. AL HAJJ DK. ALI MOHAMED SHEIN, KATIKA BARAZA LA IDD EL FITRI JULAI, 2016 (1 SHAWWAL, 1437)-Date Posted: 07-07-2016
Hotuba ya Bajeti ya Serikali ya Mapinduzi ya Zanzibar kwa mwaka wa Fedha 2016/2017. -Date Posted: 20-05-2016

Research

Procedure
Research in Zanzibar
Publications
Conferences
PROJECTS

Ongoing Projects
Upcomming Projects
Previous Projects
Reports in Projects
Publication from Projects
GALLERY

Government Activies
Kilimo