Drop Down Menu
FOR VISITORS
Tourism
Work in Zanzibar
Investment
Business
Study in Zanzibar
Immigration

FOR CITIZEN
Travel Documents
Zanzibar ID
National ID
Social Security
Driving Licence
Health System
E-Government
Zanzibar Port
Municipality

Quick Links
Ikulu Zanzibar
Tanzania
Baraza la Wawakilishi
Bunge Tanzania
Zanzibar Electoral Commission
National Electoral Commission

Zanzibar
Zanzibar
Government News Highlights
JICA limeahidi kuendelea kuiunga mkono Zanzibar katika kuimarisha miradi ya maendeleo
SERIKALI ya Japan kupitia Shirika lake la Kimataifa la Maendeleo (JICA) limeahidi kuendelea kuiunga mkono Zanzibar katika kuimarisha miradi ya maendeleo ikiwa ni pamoja na ujenzi wa diko na soko la kisasa la samaki linalotarajiwa kujengwa Malindi mjini Zanzibar. Makamo wa Rais wa Shirika hilo la Kimataifa la Maendeleo la Japan (JICA), Yasushi Kanzaki aliyasema hayo leo huko Ikulu mjini Zanzibar wakati alipofanya mazungumzo na Rais wa Zanzibar na Mwenyekiti wa Baraza la Mapinduzi Dk. Ali Mohamed Shein. Katika maelezo yake, Makamo huyo wa Rais wa (JICA) ambaye aliongozana na uongozi wa Wizara ya Kilimo, Maliasili, Mifugo na Uvuvi, alimueleza Dk. Shein kuwa Shirika hilo liko tayari kuanza ujenzi huo mapema mwakani na hivi sasa limo katika hatua za mwisho za matayarisho. Makamo huyo alisema kuwa mradi wa ujenzi wa soko hilo utakuwa ni wa kisasa na wa kuvutia kutokana na kukidhi mahitaji yote yanayopaswa kuwepo kwa ajili ya diko na soko la samaki la kisasa. Alisema kuwa soko hilo litakuwa la pekee katika ukanda wa nchi za Kusini mwa Jangwa la Sahara ambapo ujenzi wake unatarajiwa kufanyika ndani ya muda wa miaka miwili kuanzia muda utakaoanza ujenzi huo. Aidha,Bwana Yasushi Kanzaki aliahidi kuendelea kuiunga mkono Zanzibar katika kuendeleza miradi mengine muhimu ya maendeleo ukiwemo mradi wa kilimo cha mpunga wa umwagiliaji maji, uvuvi na kuendeleza mradi wa usambazaji maji kupitia Mamlaka ya Maji Zanzibar (ZAWA). Katika mazungumzo yake kiongozi huyo, alieleza juhudi zinazoendelea kuchukuliwa na Shirika hilo katika kuimarisha mradi wa maji utakaokwenda sambamba na teknolojia mpya ya kisasa ili kurahisisha usambazaji na upatikanaji wa maji safi na salama hapa nchini. Sambamba na hayo, Makamu huyo wa Rais wa Shirika la (JICA), alimueleza Dk. Shein matayarisho yanayoendelezwa na Shirika lake na hatua zilizofikiwa katika kuimarisha mradi wa kilimo cha mpunga wa umwagiliaji maji kwa mabonde maalum yaliotengwa hapa Zanzibar. Nae, Rais wa Zanzibar na Mwenyekiti wa Baraza la Mapinduzi Dk. Ali Mohamed Shein alitoa pongezi na shukurani kwa Serikali ya Japan kupitia shirika lake la (JICA) na kueleza kuwa Serikali ya Mapinduzi ya Zanzibar pamoja na wananchi wake wanathamini sana misaada na ushirikiano na uhusiano uliopo kati yake na (JICA). Alisema kuwa Shirika la Maendeleo la Kimataifa la Japan (JICA) ni mshirika muhimu wa maendeleo hapa Zanzibar kwani limeweza kuunga mkono juhudi za Serikali ya Mapinduzi ya Zanzibar katika kuimarisha miradi mbali mbali ya maendeleo ikiwemo ya kilimo, maji, afya, elimu, uvuvi na mengineyo. Dk. Shein alitumia fursa hiyo kupongeza azma ya ujenzi wa soko hilo ambapo alisema kuwa utasaidia kuendeleza malengo ya serikali katika kuimarisha sekta ya uvuvi na kusisitiza kuwa tayari miundombinu ya eneo linalotarajiwa kujengwa soko ikiwemo umeme na maji lipo katika hatua za mwisho za matayarisho pamoja na kueleza kuwa tayari ruhusa kutoka UNESCO nayo imeshatolewa. Dk. Shein alisema kuwa Serikali ya Mapinduzi ya Zanzibar imeweka lengo la kuanzisha programu ya uvuvi wa bahari kuu ambayo pia, itawasaidia wavuvi kuvua katika kina kirefu cha maji ili kuongeza kiwango cha samaki wanaovuliwa na kuongeza fursa za ajira, biashara na kuchangia ukuaji wa uchumi. Kwa upande wa kilimo cha mpunga wa umwagiliaji maji, Dk. Shein alisema kuwa tayari Serikali imo katika juhudi za kuweka miundombinu kwa kuimarisha eneo la hekta 2,200 katika mabonde ya mpunga huku akieleza huku akilipongeza Shirika la JICA kwa kuuunga mkono mradi huo. Alisema kuwa lengo la Serikali katika kuimarisha kilimo hicho ni kupunguza ama kuondosha kabisa uagiziaji wa mchele kutoka nje ya nchi unaofanyika hivi sasa kwani matumizi ya mchele hapa nchini ni tani 80 elfu kwa mwaka ambapo kati ya hizo tani 64 elfu huagizwa na zinazozalishwa nchini ni tani elfu 16 tu. Dk. Shein alitumia fursa hiyo kutoa pongezi kwa Shirika hilo kwa kuendelea kuiunga mkono Zanzibar katika kuendeleza mradi wa maji safi na salama, kwa awamu zote huku akieleza hatua inayofuata ya kuimarisha mradi huo kwa utaalamu zaidi utasaidia upatikanaji wa huduma hiyo kwa ufanisi zaidi. Madhumuni makubwa ya mradi wa ujenzi wa diko na soko la kisasa huko Malindi ni kuwawezesha wavuvi wanaotumia soko hilo kuuza na kununua samaki wao wakiwa salama kiafya pamoja na kuwepo mazingira mazuri ya kuweka vyombo vya uvuvi na biashara kwa wavuvu, wachuuzi, madalali, wauzaji wadodgo wadogo na wanunuzi. Tsh. Bilioni 14 zinatarajiwa kutumika katika ujenzi wa soko hilo ambalo litakuwa na maeneo sita ya kuendesha mnada, meza ndogo 141 za wauzaji wadogo wadogo, sehemu 13 za kuchakatia samaki, linatarajiwa kwa siku litakuwa kuegesha vyombo vya uvuvi wa kienyeji 392 na wafanyakazi 1,400 watakaoshusha na kupakia samaki ambapo pia, wafanyabiashara 6,500 watatumia eneo hilo salama.
Official Reports
A Bill for an Act to repeal the Zanzibar Electoral Commission Act, No. 9 of 1992-Date Posted: 17-02-2017
Mswada wa Sheria ya kufuta Sheria ya Tume ya Uchaguzi Nam, 9 ya 1992-Date Posted: 17-02-2017
HOTUBA YA MAONI YA KAMATI YA KUSIMAMIA OFISI ZA VIONGOZI WAKUU WA KITAIFA KUHUSIANA NA MSWADA WA SHERIA YA KUFUTA SHERIA YA TUME YA UCHAGUZI NAM.9 YA 1992 NA KUTUNGA SHERIA YA KUANZISHA AFISI YA TUME YA UCHAGUZI YA ZANZIBAR-Date Posted: 17-02-2017
HOTUBA YA RAIS WA ZANZIBAR NA MWENYEKITI WA BARAZA LA MAPINDUZI, MHE. AL HAJJ DK. ALI MOHAMED SHEIN, KATIKA BARAZA LA IDD EL FITRI JULAI, 2016 (1 SHAWWAL, 1437)-Date Posted: 07-07-2016
Hotuba ya Bajeti ya Serikali ya Mapinduzi ya Zanzibar kwa mwaka wa Fedha 2016/2017. -Date Posted: 20-05-2016

Research

Procedure
Research in Zanzibar
Publications
Conferences
PROJECTS

Ongoing Projects
Upcomming Projects
Previous Projects
Reports in Projects
Publication from Projects
GALLERY

Government Activies
Kilimo