Drop Down Menu
FOR VISITORS
Tourism
Work in Zanzibar
Investment
Business
Study in Zanzibar
Immigration

FOR CITIZEN
Travel Documents
Zanzibar ID
National ID
Social Security
Driving Licence
Health System
E-Government
Zanzibar Port
Municipality

Quick Links
Ikulu Zanzibar
Tanzania
Baraza la Wawakilishi
Bunge Tanzania
Zanzibar Electoral Commission
National Electoral Commission

Zanzibar
Zanzibar
Government News Highlights
Shirika la Umoja wa Mataifa la Idadi ya Watu Duniani (UNFPA) limepongezwa na Mheshimiwa Dk.Shein
Dk. Shein aliyasema hayo leo Ikulu Mjini Zanzibar wakati alipokuwa na mazungumzo na Mwakilishi mpya wa Shirika la Umoja wa Mataifa la Idadi ya Watu Duniani (UNFPA), Bibi Jacqueline Mohan. Katika maelezo yake Dk. Shein alisema kuwa Shirika la UNFPA limekuwa na uhusiano na ushirikiano na Serikali ya Mapinduzi ya Zanzibar kwa muda mrefu na tokea wakati huo limekuwa likichukua juhudi kubwa kutoa ushirikiano wake katika Nyanja mbali mbali. Alieleza kuwa licha ya kuwepo kwa baadhi ya changamoto lakini juhudi kubwa zimechukuliwa na mafanikio yanaonekana katika kupunguza vifo vya akina mama na watoto kwa mashirikiano ya pamoja kati ya Serikali ya Mapinduzi ya Zanzibar na Washirika wa maendeleo likiwemo Shirika la UNFPA. Dk. Shein alisema kuwa Serikali ya Mapinduzi ya Zanzibar hivi sasa imelivalia njuga suala la udhalilishaji wa wanawake na watoto, katika kuhakikisha linakomeshwa kwani limekuwa likiharibu utamaduni, mila, silka na desturi za Zanzibar. Hata hivyo, Dk. Shein alimueleza Mwakilishi huyo wa Shirika la UNFPA kuwa ana matumaini ya mafanikio kutokana na mashirikiano ya pamoja kati ya Taasisi za Serikali ikiwemo Wizara ya Afya, Wizara ya Kazi, Uwezeshaji, Wazee, Vijana, Wanawake na Watoto pamoja na washirika wengine yakiwemo Mashirika ya UN. Aidha, Dk. Shein alieleza kuwa Serikali ya Mapinduzi ya Zanzibar inaendelea na kuimarisha miundombunu ya hospitali zake na kueleza jinsi hatua zilizochukuliwa katika ujenzi wa majengo mapya katika hospitali kuu ya Mnanzi Mmoja, Hospitali ya Abdalla Mzee, Mkoani Pemba na azma ya kuikarabati hospitali ya Chake Chake Pemba pamoja na hospitali nyengine za hapa nchini, Pia aliipongeza UNFPA kwa kusaidia ujenzi wa kituo cha afya cha mama na mtoto huko Junguni Mkoa wa Kaskazini Pemba. Dk. Shein alieleza kuwa juhudi kubwa zinachukuliwa na serikali katika kuimarisha huduma za maendeleo zikiwemo huduma za afya, elimu na nyenginezo licha ya kukua kwa idadi ya watu nchini kwani Zanzibar idadi ya watu wake imekuwa ikiongezeka kwa asilimia kubwa ikilinganishwa na nchi za Afrika ya Mashariki na Kati. Nae Mwakilishi mpya wa Shirika la Umoja wa Mataifa la Idadi ya Watu Duniani (UNFPA), Bibi Jacqueline Mohan alitoa pongezi kwa Serikali ya Mapinduzi ya Zanzibar chini ya uongozi wa Dk. Shein katika kuimarisha sekta za maendeleo pamoja na kuwapatia huduma wanawake na watoto. Mwakilishi huyo aliahidi kuwa Shirika lake litaendelea kuziunga mkono juhudi za Serikali ya Mapinduzi ya Zanzibar za kuwaletea maendeleo wananchi wake sambamba na kutekeleza Malengo na Mikakati yake iliyoiweka ukiwemo MKUZA III. Katika maelezo yake, Mwakilishi huyo alieleza uzoefu wake katika kufanya kazi hapa Zanzibar na kusisitiza kuwa Shirika hilo litahakikisha mipango yote iliyopangwa kwa ajili ya Zanzibar inatekelezwa sambamba na kuzidisha mashirikiano katika sekta mbali mbali za maendeleo na huduma za kijamii ikiwemo sekta ya afya. Wakati huo huo, Dk. Shein alikutana na uongozi wa Benki ya CRDB ambao ulifika Ikulu mjini Zanzibar kwa ajili ya kumkabidhi hundi ya TZS milioni 25 zilizoahidiwa na Benki hiyo kwa ajili ya mchango wa madawati TZS 20 milioni na TZS milioni 5 ni msaada kwa ajili ya skuli ya Chekechea ya Madungu iliopo kisiwani Pemba. Fedha hizo ni ahadi iliyotolewa na uongozi huo mnamo tarehe 29 Julai 2017 wakati Dk. Shein alipolifungua Tawi jipya la Benki hiyo huko Madungu Kisiwani Pemba ambapo akikabidhi fedha hizo, Mkurugenzi Masoko, Tafiti na Huduma kwa Wateja Tully Esther Mwambapa alimuahidi Dk. Shein kuwa CRDB itaendelea kuziunga mkono juhudi za Serikali ya Mapinduzi ya Zanzibar za kuwaletea maendeleo wananchi wake Nae Dk. Shein kwa upande wake alitoa pongezi kwa Benki hiyo na kumpongeza Mkurugenzi Mtendaji wake Dk. Charles Kimei pamoja na uongozi wake huo kwa mchango wao kwa ajili ya madawati pamoja na msaada kwa watoto wa skuli ya Chekechea ya Madungu kwa azma ya kuwatengenezea mazingira mazuri ya kusomea.
Official Reports
HOTUBA YA WAZIRI WA FEDHA NA MIPANGO MHE. DKT. KHALID SALUM MOHAMED KUHUSU MAPENDEKEZO YA BAJETI YA SERIKALI (MAKADIRIO YA MAPATO NA MATUMIZI) KWA MWAKA WA FEDHA 2017/2018 -Date Posted: 16-06-2017
RATIBA YA MKUTANO WA SITA WA BARAZA LA TISA LA WAWAKILISHI UTAKAOJADILI BAJETI YA SERIKALI YA MAPINDUZI ZANZIBAR KWA MWAKA WA FEDHA 2017/2018-Date Posted: 10-05-2017
TAARIFA YA SHUGHULI ZA MKUTANO WA SITA WA BARAZA LA TISA LA WAWAKILISHI ZANZIBAR AMBAO UTAJADILI BAJETI YA SERIKALI UTAKAOANZA TAREHE 10 MEI, 2017.-Date Posted: 10-05-2017
A Bill for an Act to repeal the Zanzibar Electoral Commission Act, No. 9 of 1992-Date Posted: 17-02-2017
Mswada wa Sheria ya kufuta Sheria ya Tume ya Uchaguzi Nam, 9 ya 1992-Date Posted: 17-02-2017

Research

Procedure
Research in Zanzibar
Publications
Conferences
PROJECTS

Ongoing Projects
Upcomming Projects
Previous Projects
Reports in Projects
Publication from Projects
GALLERY

Government Activies
Kilimo